ప్రజలకు కావాల్సిన మౌలిక వసతుల కల్పిస్తాం

గడపగడపకు ప్రభుత్వ సంక్షేమ పథకాలు చేరుస్తా

కొత్తగూడెం శాసనసభ సభ్యులు కూనంనేని సాంబశివరావు

పాల్వంచ (విజయక్రాంతి): భద్రాద్రి కొత్తగూడెం జిల్లా కొత్తగూడెం నియోజకవర్గాన్ని అన్ని రంగాల్లో అభివృద్ధి చేస్తానని కొత్తగూడెం ఎమ్మెల్యే కూనంనేని సాంబశివరావు అన్నారు. ఆదివారం పాల్వంచ మండల పరిధిలోని తోగ్గూడెంలో నూతన అంగన్వాడీ కేంద్ర నిర్మాణానికి ఆయన శంకుస్థాపన చేశారు. అనంతరం ఆయన మాట్లాడుతూ.. ప్రజలకు కావాల్సిన మౌలిక వసతులు కల్పిస్తామని హామీ ఇచ్చారు.

అర్హులైన ప్రతి ఒక్కరికి సంక్షేమ పథకాలు అందే విధంగా చూస్తామని తెలిపారు. ఈ కార్యక్రమంలో పంచాయితీ రాజ్ డిఈ రామకృష్ణ సిడిపిఓ లక్ష్మీ ప్రసన్న, సీపీఐ జిల్లా కార్యదర్శి సాబీర్ పాషా, రాష్ట్ర సమితి సభ్యులు ముత్యాల విశ్వనాథం టిపిసిసి సభ్యులు నాగ సీతారాములు, సీపీఐ మండల కార్యదర్శి వీసంశెట్టి పూర్ణచంద్రరావు, పట్టణ కార్యదర్శి అడుసుమిల్లి సాయిబాబా, కాంగ్రెస్ నాయకులు ఎర్రంశెట్టి ముత్తయ్య, కొండా వెంకన్న, సీపీఐ, కాంగ్రెస్ నాయకులు, వివిధ శాఖల అధికారులు పాల్గొన్నారు.