రాష్ట్ర ప్రభుత్వ సలహాదారు షబ్బీర్ అలీ...

కామారెడ్డి (విజయక్రాంతి): రాష్ట్ర ప్రభుత్వానికి ఎన్ని ఆర్థిక ఇబ్బందులు వచ్చిన పేద ప్రజలకు సంక్షేమ పథకాలను కొనసాగిస్తున్నామని రాష్ట్ర ప్రభుత్వ సలహాదారు షబ్బీర్ అలీ అన్నారు. ఆదివారం కామారెడ్డి జిల్లా కామారెడ్డి నియోజకవర్గంలోని గూడెం గ్రామంలో ప్రజా పాలనలో కాంగ్రెస్ పార్టీ అమలు చేస్తున్న రైతు భరోసా, ఇంద్రమ్మ ఆత్మీయ భరోసా, ఇందిరమ్మ ఇండ్లు, కొత్త రేషన్ కార్డులు, నాలుగు పథకాలు ఆరంభించి లబ్ధిదారులకు, రేషన్ కార్డులు ఇందిరమ్మ ఇండ్ల పత్రాలు అందజేశారు. ఈ సందర్భంగా రాష్ట్ర ప్రభుత్వ సలహాదారు షబ్బీర్ అలీ మాట్లాడుతూ... ప్రభుత్వానికి ఆర్థికంగా ఎన్ని ఇబ్బందులు వచ్చినా ఇచ్చిన మాట ప్రకారం పేదలకు పథకాలు అందజేస్తున్నాం కామారెడ్డి నియోజకవర్గంలో మొట్టమొదటిగా కామారెడ్డి మండలం గూడెం గ్రామం నుండి లబ్ధిదారులకు అభివృద్ధి పథకాలను అందజేస్తున్నామనీ తెలిపారు.

ఆదివారం కామారెడ్డి జిల్లా గూడెం గ్రామంలో 178 ఇందిరమ్మ ఇండ్ల మంజూరు పథకాలను లబ్ధిదారులకు అందజేస్తున్నామని తెలిపారు. రైతు భరోసా 546 లబ్ధిదారులకు 1124 ఎకరాలకు 67 లక్షల 45 వేల 606 రూపాయలు లబ్ధిదారుల ఖాతాలో జమ చేయడం జరిగిందన్నారు. అలాగే భూమిలేని రైతు కూలీలకు ఇందిరమ్మ ఆత్మీయ భరోసా పథకంలో భాగంగా 8 మంది లబ్ధిదారులకు 12000 చొప్పున ఇవ్వడం జరిగిందన్నారు. 36 మందికి కొత్త రేషన్ కార్డులు అందీయడం జరిగింది, అలాగే 61 మంది రేషన్ కార్డులకు గ్రామసభలో అర్హులుగా గుర్తించడం జరిగిందని తెలిపారు. వారికి కూడా ఇవే కాకుండా మీ సేవలో ప్రజా పాలనలో 98 మంది కొత్త రేషన్ కార్డు గురించి వినతిపత్రాలు అందజేశారు, దానిపై విచారణ జరిపించి అర్హులైన వారికి కూడా అందిస్తాం అని తెలిపారు. కాంగ్రెస్ పార్టీ పేదల పార్టీ మాట తప్పదు మడమతిప్పదు మిగులు బడ్జెట్ ఉన్న రాష్ట్రాన్ని అప్పుల రాష్ట్రంగా చేసి మళ్ళీ ఇప్పుడు పేదలకు పథకాలు అందిస్తుంటే వారి కడుపు మండిపోయి విమర్శలు చేస్తున్నారు. ఈరోజు రాష్ట్రవ్యాప్తంగా పండుగ వాతావరణం ఏర్పడ్డది మాటలతో కాకుండా పేదలకు అభివృద్ధి పథకాలతో. ఆదుకుంటున్నామనీ తెలిపారు. ఎన్నికల్లో చేసిన వాగ్దానాల కంటే ఇంకా ఎక్కువగానే అమలు చేస్తున్నామన్నారు. రాబోయే స్థానిక ఎన్నికల్లో ప్రజలే ప్రతిపక్షాలకు ఓటుతో బుద్ధి చెప్తారని తెలిపారు. ఈ కార్యక్రమంలో జిల్లా అదనపు రెవిన్యూ కలెక్టర్ విక్టర్, కామారెడ్డి మార్కెట్ కమిటీ చైర్మన్ ధర్మగోని లక్ష్మీ రాజా గౌడ్ స్థానిక కాంగ్రెస్ నాయకులు గూడెం శ్రీనివాస్ రెడ్డి తదితరులు పాల్గొన్నారు.