పట్టించుకోని అధికారులు ఆవేదన వ్యక్తం చేస్తున్న గ్రామస్తులు

ముత్తారం, (విజయక్రాంతి): ముత్తారం మండలంలోని సీతంపేట గ్రామంలోని నీటి శుద్ధి కేంద్రం మూలనపడ్డదని. దీంతో గ్రామంలో  శుద్ధి చేసిన తాగునీటికి తీవ్ర ఇబ్బందులు పడుతున్నామని, గ్రామంలోని చేతి పంపులు, బోరింగ్ నీళ్లు త్రాగి అనారోగ్యాల పాలవుతున్నామని, గ్రామ ప్రజలు ఆవేదన చెందుతున్నారు. నీటి శుద్ధి కేంద్రం మూలన పడి దాదాపు ఏండ్లు గడుస్తున్నా, పట్టించుకోని అధికారుల పై గ్రామస్తులు ఆగ్రహం వ్యక్తం చేస్తున్నారు. ఇప్పటికైనా వెంటనే మూలన పడ్డ నీటి శుద్ధి కేంద్రాన్ని మరమ్మత్తులు చేసి గ్రామస్తులకు స్వచ్ఛమైన నీటిని అందించాలని కోరుతున్నారు.