హైదరాబాద్ సిటీబ్యూరో, జనవరి 31(విజయక్రాంతి): నేడు నగరంలోని పలు ప్రాంతాలకు తాగునీటి సరఫరాలో పాక్షిక అంతరాయం కలుగుతుందని జలమండలి అధికారులు తెలిపారు.

నాసర్లపల్లి సబ్‌స్టేషన్‌లోని 132 కేవీ బల్క్ లోడ్ ఫీడర్ పీటీ మరమ్మతులకు గురైనందున  టీజీ ట్రాన్స్‌కో అధికారులు  ఈరోజు ఉదయం 10 గంటల నుంచి సాయంత్రం 4 గంటల మరమ్మతులు చేయనున్నట్లు చెప్పారు. దీనివలన కృష్ణా ఫేజ్-1, 2, 3 నుంచి సరఫరా అయ్యే రిజర్వాయర్ల పరిధి ప్రాంతాల్లో 6 గంటల పాటు తాగునీటి సరఫరాలో పాక్షిక అంతరాయం కలుగుతుందని అధికారులు పేర్కొన్నారు. అంతరాయం ఏర్పడే ప్రాంతాల ప్రజలు నీటిని పొదుపుగా వినియోగించుకోగలరని అధికారులు కోరారు.