మెగాస్టార్ చిరంజీవి కథానాయకుడిగా తెరకెక్కుతున్న తాజా సినిమా ‘విశ్వంభర’. వశిష్ఠ దర్శకత్వంలో యూవీ క్రియేషన్స్ పతాకంపై రూపొందుతున్న ఈ చిత్రానికి విక్రమ్, వంశీ, ప్రమోద్ నిర్మాతలు. ప్రస్తుతం అన్నపూర్ణ సెవెన్ ఎకర్స్‌లో వేసిన మ్యాసీవ్ సెట్‌లో చిత్రీకరణ జరుగుతోంది. కాగా, ఈ సెట్‌ను సోమవారం సీనియర్ దర్శకుడు వీవీ వినాయక్ సందర్శించారు. ఈ సందర్భంగా చిరంజీవి, వీవీ వినాయక్ కాసేపు మాట్లాడుకున్నారు. చిరుతో తనకున్న అనుబంధాన్ని వీవీ వినాయక్ ఈ సందర్భంగా చిత్రం యూనిట్ సభ్యులతో పంచుకున్నారు. త్రిష, ఆషికా రంగనాథ్ కథానాయికలుగా నటిస్తున్న ఈ చిత్రంలో కునాల్ కపూర్ ఓ ముఖ్య పాత్రలో కనిపించనున్నారు. ఈ ఫాంటసీ యాక్షన్ అడ్వెంచర్ మూవీ 2025, జనవరి 10 సంక్రాంతి కానుకగా ప్రేక్షకుల ముందుకు రానుంది. ఈ సినిమాకు సంగీతం: ఎంఎం కీరవాణి, కెమెరా: చోటా కె నాయుడు.