మెగాస్టార్ చిరంజీవి సోషియో ఫాంటసీ ఎంటర్టైనర్ ‘విశ్వంభర’కి సంబంధించిన ఫస్ట్ లుక్ పోస్టరును మేకర్స్ గురువారం రిలీజ్ చేశారు. చిరంజీవి పుట్టినరోజు సందర్భంగా విడుదల చేసిన ఈ పోస్టర్లో మెగాస్టార్ చేతిలో త్రిశూలాన్ని పట్టుకుని ఒక రాతిపై కూర్చొని ఉన్నా డు. మెగాస్టార్ చరిష్మాటిక్ లుక్, కొండ నుంచి ఉద్భవించిన ప్రకాశవంతమైన దైవిక శక్తి, ఉరుములు మెరుపులతో కూడిన ఈ ఫస్ట్ లుక్ అదిరిపోయింది.

తన మొదటి సినిమా ‘బింబిసార’తో మంచి పేరు తెచ్చుకున్న దర్శకుడు వశిష్ట తన అభిమాన హీరో చిరంజీవితో కలిసి ’విశ్వంభర’ను అత్యంత ప్రతిష్ఠత్మక ప్రాజెక్ట్ తీర్చిదిద్దుతున్నారు. మూవీ కోసం ఒక ఫాంటసీ ప్రపంచాన్ని సృష్టించారు. ఈ సినిమాలో త్రిష కృష్ణన్, ఆషికా రంగనాథ్ హీరోయిన్లుగా నటిస్తుండగా, కునాల్ కపూర్ పవర్ఫుల్ క్యారెక్టర్లో కనిపించనున్నారు. ఎంఎం కీరవాణి సంగీతం అందించగా, చోటా కె నాయుడు సినిమాటోగ్రాఫర్‌గా పనిచేస్తున్న ‘విశ్వంభర’ 2025 జనవరి 10న విడుదల కానుంది.