‘లైలా’ చిత్రం దెబ్బకు హీరో విశ్వక్‌సేన్ దిగి వచ్చాడు. ఈ సినిమాతో కావల్సినంత నెగిటివిటీని మూటగట్టుకున్న విశ్వక్ ఇకపై అలాంటి సినిమాలు చేయబోనంటూ తెగేసి చెబుతున్నాడు. తన చివరి సినిమా (లైలా)కు వచ్చిన నిర్మాణాత్మక విమర్శను అంగీకరిస్తున్నట్టు తెలిపాడు. ఈ క్రమంలోనే ప్రేక్షకులందరికీ క్షమాపణ చెప్పాడు. “ఇటీవల నా సినిమాలు అందరూ కోరుకున్న స్థాయికి చేరుకోలేకపోయాయి. నా చివరి సినిమాకు వచ్చిన నిర్మాణాత్మక విమర్శను పూర్తిగా అంగీకరిస్తున్నా.

నన్ను నమ్మి, నా ప్రయాణానికి మద్దతు ఇచ్చిన ప్రతి ఒక్కరికీ, నా అభిమానులకు, నాపై ఆశీర్వాదంగా నిలిచిన వారికి హృదయపూర్వక క్షమాపణలు. నా ప్రాధాన్యం ఎప్పుడూ కొత్తదనం తీసుకురావడమే. కానీ ఆ ప్రయత్నంలో మీ అభిప్రాయాలను నేను గౌరవిస్తున్నా. ఇకపై నా ప్రతి సినిమా క్లాస్ లేదా మాస్ అయినా సరే.. అసభ్యత ఉండదు. నేను ఒక చెడు సినిమా తీస్తే నన్ను విమర్శించే హక్కు మీకు పూర్తిగా ఉంది.

ఎందుకంటే, నా ప్రయాణంలో ఎవ్వరూ లేని సమయంలో నన్ను ప్రేమతో ముందుకు నడిపించింది మీరు. నా కెరీర్ ప్రారంభం నుంచి నేను ఎంచుకున్న కథలను మీరు ఎంతగా ప్రేమించారో తెలుసు. ఇకపై కేవలం సినిమా మాత్రమే కాదు. నా ప్రతి సన్నివేశం కూడా మీ మనసుకు తగిలేలా ఉండాలని నిర్ణయించుకున్నా. అంతే కాకుండా, నాపై విశ్వాసం ఉంచిన ప్రొడ్యూసర్స్, డిస్ట్రిబ్యూటర్స్ అందరికీ నా కృతజ్ఞతలు తెలియజేస్తున్నా.

అలాగే నా కథానాయకులు  దర్శకులు, రచయితలు నా వెన్నెముకగా నిలిచి, నన్ను మలిచిన ప్రతి ఒక్కరికీ నా మృదయపూర్వక ధన్యవాదాలు. త్వరలోనే మరొక బలైమన కథతో ముందుకు వస్తాను. నా మంచి, చెడు కాలాల్లో నన్ను నమ్మి నిలబెట్టుకున్న ప్రతి ఒక్కరికీ కృతజ్ఞతలు. మీ మద్దతు నాకు ఎంతో ప్రాముఖ్యం” అని విశ్వక్‌సేన్ ఒక ప్రకటన ద్వారా తెలిపాడు.