మణుగూరు సిఐ సతీష్ కుమార్, ఎంబీఏ వెంకట పుల్లయ్య...

మణుగూరు (విజయక్రాంతి): ట్రాఫిక్ నిబంధనలను పాటించని వారిపై చర్యలు తీసుకుంటామని మణుగూరు సీఐ సతీష్ కుమార్ భద్రాచలం ఎన్విఐ వెంకట పుల్లయ్యలు హెచ్చరించారు. భద్రాద్రి కొత్తగూడెం జిల్లా మణుగూరు మండలంలోని ప్రైవేటు పాఠశాలల యాజమాన్యాలకు స్కూల్ బస్సు డ్రైవర్లకు జాతీయ రోడ్డు భద్రత వారోత్సవాల్లో భాగంగా సోమవారం రోడ్డు భద్రత అవగాహన కార్యక్రమాన్ని నిర్వహించారు. పాఠశాలల యాజమాన్యాలు కచ్చితంగా స్కూల్ పిల్లల బస్సులను యధావిధిగా సకాలంలో బ్రేక్ చేయించుకోవాలని బస్సులు ఎల్లప్పుడు కండిషన్ గా ఉండేలా చూసుకోవాలన్నారు. విద్యార్థులు బస్సుల నుంచి చేతులు తలలు బయట పెట్టకుండా ఉండేలా బస్సు అద్దాలకు జాలీలను ఏర్పాటు చేయాలన్నారు. మద్యం తాగి పాఠశాల బస్సులను నడిపితే కఠిన చర్యలు తీసుకుంటామని హెచ్చరించారు. ఈ కార్యక్రమంలో ఎస్ఐ మెడ ప్రసాద్, ప్రైవేటు పాఠశాలల యాజమాన్య అసోసియేషన్ నాయకులు యూసఫ్, ప్రతాపరెడ్డి తదితరులు పాల్గొన్నారు.