విజయవాడ: ఆంధ్రప్రదేశ్‌లో వైఎస్ఆర్ కాంగ్రెస్ పార్టీ(YSR Congress Party) హయాంలో జరిగిన మద్యం కుంభకోణంపై దర్యాప్తు చేస్తున్న ప్రత్యేక దర్యాప్తు బృందం (సిట్), మాజీ ఎంపీ వి. విజయసాయి రెడ్డికి నోటీసులు జారీ చేసి, ఆయనను తమ ఎదుట హాజరు కావాలని ఆదేశించింది. దీంతో విజయవాడ నేడు సిట్ కార్యాలయంలో మాజీ ఎంపీ విజయసాయిరెడ్డి విచారణకు హాజరుకానున్నారు. ఉదయం 10 గంటలకు సిట్ ఎదుట విజయ సాయి రెడ్డి(Vijayasai Reddy) విచారణకు హాజరు కానున్నారు.

మద్యం కుంభకోణం కేసులో సాక్షిగా హాజరుకావాలంటూ విజయసాయి రెడ్డికి నోటీసులు ఇచ్చారు. మద్యం కుంభకోణానికి సంబంధించి కీలక విషయాలు బయటకొచ్చే అవకాశముంది. విజయసాయి రెడ్డి వైఎస్ఆర్ కాంగ్రెస్ పార్టీ (Yuvajana Sramika Rythu Congress Party)కి రాజీనామా చేసి, జనవరిలో ఎంపీ పదవికి కూడా రాజీనామా చేశారు. వైఎస్ఆర్సీపీ హయాంలో ఆంధ్రప్రదేశ్ స్టేట్ బేవరేజెస్ కార్పొరేషన్ లిమిటెడ్ (ఎపిఎస్బిసిఎల్)లో జరిగిన అక్రమాలు, అవినీతి ఆరోపణలపై దర్యాప్తు చేయడానికి టిడిపి నేతృత్వంలోని ఎన్డీఏ ప్రభుత్వం గత ఏడాది నవంబర్‌లో సిట్‌ను ఏర్పాటు చేసింది. విజయసాయి రెడ్డి గత నెలలో ఈ కుంభకోణానికి దూరంగా ఉంటూ అప్పటి ముఖ్యమంత్రి వైఎస్ జగన్ మోహన్ రెడ్డి ఐటీ సలహాదారు కసిరెడ్డి రాజశేఖర్ రెడ్డి మద్యం కుంభకోణం వెనుక ఉన్నారని ఆరోపించారు. 

కొంతమంది వైఎస్ఆర్సీపీ నాయకులకు మద్యం(AP liquor scam probe) తయారీదారులతో సంబంధాలు ఉన్నాయని, అనేక స్థానిక బ్రాండ్లను స్థాపించారని, నగదు చెల్లింపులు నిర్వహించారని, అక్రమంగా డబ్బు సంపాదించారని టిడిపి నాయకులు ఆరోపించారు. ఈ కుంభకోణంలో కొంతమంది రాజకీయ నాయకులు, ప్రైవేట్ వ్యక్తులు ఇతరుల ప్రమేయం ఉందని సిట్ గుర్తించినట్లు తెలుస్తోంది. మద్యం తయారీదారుల నుండి వాంగ్మూలాలు నమోదు చేసిన తర్వాత రూ.4,000 కోట్ల కుంభకోణం జరిగినట్లు తెలుస్తోంది. వైఎస్ఆర్సీపీకి చెందిన సిట్టింగ్ లోక్‌సభ సభ్యుడు, మాజీ రాజ్యసభ సభ్యుడు పాల్గొన్న ముడుపుల డబ్బు జాడను దర్యాప్తు అధికారులు గుర్తించినట్లు తెలుస్తోంది. 

గత నెలలో, టిడిపి ఎంపి లావు శ్రీ కృష్ణ దేవరాయులు(Lavu Sri Krishna Devarayalu) ఆంధ్రప్రదేశ్‌లో జరిగిన మద్యం కుంభకోణంపై దర్యాప్తు చేయాలని కేంద్ర హోంమంత్రి అమిత్(Home Minister Amit Shah) షాను కోరారు. ఇది ఢిల్లీ మద్యం కుంభకోణం కంటే పెద్దదని పేర్కొన్నారు. ఈ కుంభకోణం ఫలితంగా 2019 నుండి 2024 వరకు రాష్ట్ర ఖజానాకు రూ.18,860 కోట్ల నష్టం వాటిల్లిందని, ఎన్‌ఫోర్స్‌మెంట్ డైరెక్టరేట్, ఇతర కేంద్ర సంస్థలతో దర్యాప్తుకు ఆదేశించాలని అమిత్ షాను అభ్యర్థించారు. దేవరాయులు లోక్‌సభలో కూడా మాట్లాడుతూ, వైయస్ఆర్‌సిపి మొదట్లో మద్య నిషేధాన్ని హామీ ఇచ్చి ప్రజలను తప్పుదారి పట్టించిందని, కానీ తరువాత వారి నియంత్రణలో గుత్తాధిపత్య మద్యం పరిశ్రమకు దోహదపడిందని అన్నారు.