సీనియర్ నటుడు శివాజీ రాజా తనయుడు విజయ్ రాజా హీరోగా లక్ష్మీనారాయణ.సి దర్శకత్వంలో ఓ స్పోర్ట్స్ డ్రామా రూపొందుతోంది. పాన్ ఇండియా మూవీగా తెరకెక్కుతున్న ఈ సినిమాను సాయి విలా సినిమాస్ బ్యానర్‌పై ఆర్.లక్ష్మణ్‌రావు, ఆర్.శ్రీను నిర్మిస్తున్నారు. ఈ మూవీకి ‘జీరో’ అనే టైటిల్ ఖరారు చేసిన మేకర్స్ బుధవారం గ్లింప్స్‌ను ప్రముఖ నటుడు, రచయిత తనికెళ్ల భరణితో విడుదల చేయించారు. ఈ సందర్భంగా భరణి మాట్లాడుతూ.. “సినిమా పరిశ్రమలో శివాజీ రాజా ఆత్మబంధువు లాంటి వ్యక్తి. ‘జీరో’ గ్లింప్స్ చాలా బాగుంది.

సినిమా హీరోకు కావాల్సిన కసి విజయ్ రాజాలో కనిపించింది. తండ్రిలాగానే విజయ్ మంచి పేరు సంపాదించుకోవాలని ఆశిస్తున్నాను” అన్నారు. కార్యక్రమంలో చిత్రబృందం మాట్లాడి, గ్లింప్స్‌పై అభిప్రాయాలు వెల్లడించారు. ఈ సినిమాకు ముఖ్య తారాగణం: రాజేంద్రప్రసాద్, ఆమని, శివాజీ రాజా, సంపత్ రాజ్, ఎల్సా ఘోష్, రూప లక్ష్మి, వినయ్ మహదేవ్ తదితరులు; డీవోపీ: దాము నర్రావుల; సంగీతం: సాయి కార్తీక్.