రాజ్‌కుమార్‌రావు, త్రిప్తీ డిమ్రీ ప్రధాన పాత్రల్లో నటిస్తున్న తాజా చిత్రం ‘విక్కీ విద్యా కా వో వాలా వీడియో’. రాజ్ శాండిల్య రచన, దర్శకత్వం వహించిన ఈ సినిమా ద్వారా రాజ్‌కుమార్, త్రిప్తీ తొలిసారి స్క్రీన్‌ను పంచుకోనున్నారు. ప్రముఖ గాయకుడు అద్నాన్ సమీ.. ఈ చిత్రంలో ఓ పాట పాడటం ద్వారా తొమ్మిదేళ్ల తర్వాత బాలీవుడ్‌కు తిరిగి వచ్చారు. ఇలా ఆసక్తికర విశేషాల కారణంగా ఈ సినిమాపై మొదట్నుంచీ ఆసక్తి నెల కొని ఉంది. 1990ల నాటి ఎంటర్‌టైనర్‌గా రూపొందిన ఈ చిత్రంలో విజయ్ రాజ్, మల్లికా షెరావత్, మస్త్ అలీ, అర్చన పురాణ్ సింగ్, ముఖేష్ తివా రీ, అర్చన బ్రిటీష్ శేఖర్ తదితరులు ముఖ్య తారాగణంగా ఉన్నారు.

దసరా సందర్భంగా అక్టోబర్ 11న విడుదల కానున్న ఈ మూవీ ట్రైలర్ గురువారం విడుదలైంది. టీజర్ లాంచ్ ఈవెంట్‌కు రాజ్‌కుమార్‌రావు, త్రిప్తీ డిమ్రీ తొంభైల నాటి జంటగా కనిపించేందుకు ఆ రో జుల్లోని వస్త్రధారణతో బైక్‌పై రావ డం ప్రత్యేక ఆకర్షణగా మారింది. ఇక టీజర్.. ప్రేక్షకుల్ని 90లలోకి తీసుకెళ్తోంది. ఓ జంట సన్నిహితంగా ఉన్న వీడియో సీడీ చుట్టూ ఈ సినిమా కథ తిరుగుతున్నట్టు ట్రైలర్ ద్వారా తెలుస్తోంది. 1997లో విద్యను వివాహం చేసుకున్న విక్కీ.. తన భార్యను ఒప్పించి, తమ పర్సనల్ వీడియో చిత్రీకరిస్తాడు. ఆ వీడియో సీడీ చోరీకి గురికావడం, ఆ జంట జీవితంలో గందరగోళం నెలకొనడం, దాన్ని తిరిగి పొందే ప్రయత్నంలో విక్కీ హాస్యభరిత ప్రయాణమే సినిమా అనే విషయాన్ని ట్రైలర్ ఆవిష్కరించింది.