జగదీప్ ధన్‌ఖడ్‌కు వీడ్కోలు పలికిన గవర్నర్ జిష్ణుదేవ్, మంత్రి జూపల్లి కృష్ణారావు

హైదరాబాద్, డిసెంబర్ 26 (విజయక్రాంతి)/రాజేంద్రనగర్: తెలంగాణలో ఉప రాష్ట్రపతి జగ్‌దీప్ ధన్‌ఖడ్ రెండు రోజుల పర్యటన ముగియడంతో గురువారం ఢిల్లీకి తిరుగు ప్రయాణమయ్యారు. ఈ సందర్భం గా ఉపరాష్ట్రపతి దంపతులకు శంషాబాద్ అంతర్జాతీయ విమానాశ్రయంలో గవర్నర్ జిష్ణుదేవ్ వర్మ, పర్యాటక, సాంస్కృతిక శాఖ మంత్రి జూపల్లి కృష్ణారావు వీడ్కోలు పలికారు.

ఈ సందర్భంగా ఉపరాష్ట్రపతికి మం త్రి జూపల్లి జ్ఞాపికను అందజేశారు. వీడ్కోలు పలికిన వారిలో రెవెన్యూ ప్రిన్సిపల్ సెక్రటరీ నవీన్ మిట్టల్, ప్రొటోకాల్ ప్రిన్సిపల్ సెక్రెటరీ వెంకట్రావు, డీజీపీ జితేందర్, రంగారెడ్డి కలెక్టర్ సీ నారాయణరెడ్డి ఉన్నారు.