సూపర్‌స్టార్ రజనీకాంత్ హీరోగా రూపొందుతున్న భారీ బడ్జెట్ చిత్రం ‘వేట్టైయాన్’. ‘2.0’, ‘దర్బార్’, ‘లాల్ సలామ్’ తర్వాత రజనీకాంత్, ప్రముఖ నిర్మాణ సంస్థ లైకా ప్రొడక్షన్స్ కలయికలో రాబోతున్న నాలుగో సినిమా ఇది. సామాజిక పరమైన సమస్యలను తెలియజేసేలా సినిమాలు చేస్తూ విమర్శకులు ప్రశంసలను అందుకున్న దర్శకుడు టీజే జ్ఞానవేల్ ఈ సినిమాను తెరకెక్కిస్తున్నారు. ఈ మూవీలో బాలీవుడ్ మెగాస్టార్ అమితాబ్ బచ్చన్ ఇందులో కీలక పాత్రలో నటిస్తున్నారు.

ఇంకా మంజు వారియర్, ఫహాద్ ఫాజిల్, రానా దగ్గుబాటి, రితికా సింగ్, దుషారా విజయన్, రోహిణి, అభిరామి తదితరులు ఇతర ముఖ్య పాత్రల్లో నటిస్తున్నారు. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. దసరా కానుకగా ప్రపంచవ్యాప్తంగా అక్టోబర్ 10న తమిళ, తెలుగు, హిందీ, కన్నడ భాషల్లో విడుదల కానున్న ఈ చిత్రానికి మ్యూజిక్: అనిరుద్ రవిచందర్; సినిమాటోగ్రఫీ: ఎస్‌ఆర్ కదిర్; యాక్షన్: అన్బరివు.