మంచిర్యాల విజయక్రాంతి : మంచిర్యాల జిల్లా చెన్నూరు మండలంలోని తుర్కపల్లి రోడ్డు అద్వానంగా తయారైంది. రోడ్డు మొత్తం బురదమయం కావడంతో వాహనాల రాకపోకలకు తీవ్ర ఇబ్బంది తలెత్తుతుంది. శుక్రవారం విద్యార్థులను స్కూలుకు తీసుకువెళ్లే వాహనం బురదలో ఇరుక్కోగా తీవ్ర ఇబ్బందులు పడ్డారు. అటుగా వచ్చిన గ్రామస్తులు వాహనాన్ని నెట్టి బురదలో నుంచి బయటకు తీశారు. ఇప్పటికైనా చెన్నూర్ ఎమ్మెల్యే వివేక్ వెంకటస్వామి స్పందించి రోడ్డుకు మరమ్మతులు చేయించి వాహనదారుల, విద్యార్థుల, ప్రజల ఇబ్బందులను తీర్చాలని కోరుతున్నారు.