హీరోయిన్ వేదిక లీడ్ రోల్‌లో నటిస్తున్న సినిమా ‘ఫియర్’. సస్పెన్స్ థ్రిల్లర్ కథతో దర్శకురాలు డాక్టర్ హరిత గోగినేని తెరకెక్కిస్తు న్న ఈ చిత్రాన్ని దత్తాత్రేయ మీడియా బ్యానర్ పై ప్రొడ్యూసర్ ఏఆర్ అభి నిర్మిస్తున్నారు. సుజాత రెడ్డి కో ప్రొడ్యూసర్‌గా వ్యవహరిస్తున్న ఈ మూవీలో అరవింద్ కృష్ణ ఓ స్పెషల్ రోల్‌లో కనిపించనున్నారు. ఇందులో ఇంకా జేపీ (జయప్రకాశ్), పవిత్ర లొకేశ్, అనీష్ కురువిల్ల, సాయాజి షిండే, సత్యకృష్ణ, సాహితి దాసరి, షాని తదితరులు వివిధ పాత్రలు పోషిస్తున్నారు.

విడుదలకు ముందే వివిధ అంతర్జాతీయ ప్రతిష్టాత్మక ఫిలిం ఫెస్టివల్స్‌లో 60కి పైగా అవార్డులను గెల్చుకుని కొత్త రికార్డ్ సృష్టించిన ఈ సినిమా నుంచి శనివారం ఫస్ట్‌లుక్ పోస్టర్ విడుదలైంది. దీన్ని స్టార్ డైరెక్టర్, కొరియోగ్రాఫర్ ప్రభుదేవా సోషల్ మీడియా ద్వారా రిలీజ్ చేశారు. ఫస్ట్‌లుక్ పోస్టర్ ఆసక్తికరంగా ఉందన్న ఆయన చిత్ర యూనిట్‌కు బెస్ట్ విషెస్ చెప్పారు.

ఒక చీకటి గదిలో హీరోయిన్ భయపడుతూ చూస్తున్న స్టిల్‌తో డిజైన్ చేసిన ఫస్ట్‌లుక్ పోస్టర్ ఇంట్రెస్ట్ క్రియేట్ చేస్తోంది. త్వరలోనే విడుదల కానున్న ఈ సినిమాకు మ్యూజిక్: అనూప్ రూబెన్స్; సినిమాటోగ్రఫీ: ఐ ఆండ్రూ; లిరిక్స్: కృష్ణకాంత్; కొరియోగ్రఫీ: విశాల్; కో ప్రొడ్యూసర్: సుజాత రెడ్డి; నిర్మాత: ఏఆర్ అభి; రచన, ఎడిటింగ్, దర్శకత్వం: డాక్టర్ హరిత గోగినేని.