మెదక్,(విజయక్రాంతి): తెలంగాణలో ప్రసిద్ధ పుణ్యక్షేత్రం ఏడుపాయల వన దుర్గ భవాని మాత అమ్మవారిని మెదక్, నిజామాబాద్ ,ఆదిలాబాద్, కరీంనగర్ ఉపాధ్యాయ శాసనమండలి పీఆర్టీయు బలపరిచిన అభ్యర్థి వంగ మహేందర్ రెడ్డి ఆదివారం కుటుంబ సమేతంగా దర్శించుకున్నారు. ఈ సందర్భంగా ఆయన మాట్లాడుతూ... ఇక్కడ నుండే తన యొక్క ఉపాధ్యాయ శాసనమండలి ఎన్నికల ప్రచారాన్ని ప్రారంభించి ఎన్నికలలో విజయం సిద్ధించాలని తద్వారా ఉపాధ్యాయులకు సేవ చేసే భాగ్యం కల్పించాలని అమ్మవారిని వేడుకున్నట్టు ఆయన తెలియజేశారు. ఆయన వెంట పి ఆర్ టి యు మెదక్ జిల్లా అధ్యక్ష, ప్రధాన కార్యదర్శులు సుంకరి కృష్ణ, సామ్యా నాయక్, రాష్ట్ర అసోసియేట్ అధ్యక్షులు మల్లారెడ్డి పాపన్నపేట, చిన్న శంకరం పేట, మెదక్ ,హవేలి ఘనపూర్, మెదక్ అర్బన్, మండలాల అధ్యక్షులు రాజు, హరిబాబు ,చంద్రశేఖర్, నరేందర్ రెడ్డి ,వీరేశం లు ఉన్నారు.