హైదరాబాద్:  మాజీ ఎంపీ, కాంగ్రెస్ సీనియర్ నేత వి. హనుమంతరావు కారు ధ్వంసం అయింది. అంబర్ పేటలోని ఇంటి ముందు ఉన్న వాహనాన్ని గుర్తు తెలియని వాహనం ఢీకొట్టింది. ఈ ఘటన బుధవారం తెల్లవారుజామున జరిగినట్లు తెలుస్తోంది. ఈ ఘటనపై ఆగ్రహం వ్యక్తం చేసిన హనుమంతరావు అంబర్ పేట పోలీస్ స్టేషన్ లో ఫిర్యాదు చేశారు. ఆయన ఫిర్యాదు మేరకు కేసు నమోదు చేసుకున్న పోలీసులు సమీపంలోని సీసీ టీవీ కెమెరాల ఆధారంగా దర్యాప్తు చేస్తున్నామని తెలిపారు. ఈ ఘటన స్థానికంగా కలకలం రేపింది. వీహెచ్ కారుపై బండ రాళ్లతో దాడి చేసినట్లు తెలుస్తోంది. ఎవరో కావాలనే ఈ పని చేసినట్లు ఆయన ఆరోపిస్తున్నారు.