ప్రస్తుతకాలంలో వాషింగ్ మెషీన్ ప్రతి ఇంట్లోనూ ఉంటుంది. అయితే దీన్ని ఉపయోగించడంలో కొన్ని టిప్స్ పాటిస్తేనే దుస్తులు, మెషీన్ మన్నిక బావుంటుంది. అవేంటో ఇప్పుడు చూద్దాం..

1. కాస్త గట్టి వస్తువులు, సున్నితమైన వస్తువుల్ని జిప్‌లాక్ ఉన్న మెష్ బ్యాగ్‌లో వేసి వాషర్‌లో వేయాలి. తద్వారా అటు అవి, ఇటు వాషింగ్ మెషీన్ డ్యామేజ్ కాకుండా జాగ్రత్తపడచ్చు. 
2. చాలావరకు చల్లటి లేదా గోరువెచ్చటి నీటిని ఉపయోగించడమే మంచిది. అలాగే ‘క్విక్ వాష్’ ఆప్షన్ ఎంచుకుంటే వాటి నాణ్యత దెబ్బతినకుండా ఉంటుంది. 
3. అన్ని వస్తువులకు గాఢత తక్కువగా ఉండే డిటర్జెంట్/లిక్విడ్ ఉపయోగించడం ఉత్తమం. మరీ సున్నితమైన వస్తువులైతే క్యాస్టుల్‌సోప్ లిక్విడ్‌ని వాడచ్చు. 
4. కొన్ని వస్తువుల నుంచి దుర్వాసన వస్తుంటుంది. అలాంటప్పుడు వాష్‌సైకిల్‌లో అరకప్పు వైట్ వెనిగర్ వేస్తే సరిపోతుంది. 
5. పిల్లలు ఆడుకునే సాఫ్ట్ టాయ్స్, క్లాత్ లేదా ఫర్ మెటీరియల్‌తో తయారు చేసిన బొమ్మలు త్వరగా మురికి పడతాయి. వాటిని కూడా మెష్ బ్యాగ్‌లో వేసి ‘క్విక్ వాష్’ ఆప్షన్ ఎంచుకుంటే కొత్తగా మెరిసిపోతాయి. 
6. అయితే వేటిని ఉతకాలన్నా ముందు వాటిపై ఉండే వాషింగ్ ఇన్‌స్ట్రక్షన్స్‌ను గమనించి వాటికి తగినట్లు ఉతకాలి.