‘నువ్వే కావాలి’, ‘మన్మథుడు’, ‘మల్లీశ్వరి’ వంటి ఫ్యామిలీ ఎంటర్టైర్స్ అందించిన దర్శకుడు కె.విజయ్ భాస్కర్. ఆయన డైరెక్షన్లో వస్తున్న తాజా చిత్రం ‘ఉషా పరిణయం’. లవ్ ఈజ్ బ్యూటీఫుల్ అనేది ఉప శీర్షిక. దర్శకుడు విజయ్ భాస్కర్ ఈ చిత్రం ద్వారా తన కుమారుడు శ్రీ కమల్ను హీరోగా పరిచయం చేస్తున్నారు. శ్రీ కమల్కు జోడీగా నటిస్తున్న తాన్వి ఆకాంక్ష అనే తెలుగమ్మాయికి కూడా ఇది మొదటి సినిమానే. సరికొత్త ప్రేమకథతో తెరకెక్కిన ఈ చిత్రం ఆగస్టు 2న ప్రపంచ వ్యాప్తంగా ప్రేక్షకుల ముందుకు రానుంది. అలీ, వెన్నెల కిషోర్, శివాజీ రాజా, ఆమని, సుధ, ఆనంద చక్రపాణి, సూర్య, రవి, శివతేజ తదితరులు ప్రధాన పాత్రలు పోషిస్తున్న ఈ చిత్రానికి సంగీతం: ఆర్ఆర్ ధ్రువన్; డీవోపీ: సతీశ్ ముత్యాల.