కోల్‌కతా, సెప్టెంబర్ 1: బెంగాల్‌లో దవాఖానల్లో మహిళలపై అఘాయిత్యాలు, వేధింపులు ఆగటం లేదు. ఒకవైపు ట్రెయినీ డాక్టర్ హత్యపై తీవ్ర వివాదం కొనసాగుతుండగానే, మరోవైపు రెండు దవాఖానల్లో అలాంటి ఘటనలే వెలుగు చూశాయి. బిర్భూమ్ జిల్లాలోని ప్రభుత్వ దవాఖానలో విధుల్లో ఉన్న ఓ నర్సుతో ఓ వ్యక్తి అసభ్యంగా ప్రవర్తించాడు. జ్వరంతో దవాఖానకు వచ్చిన వ్యక్తికి తాను స్లున్ పెడుతుండగా అతడు తనను అభ్యంతరక రంగా తాకుతూ బూతులు తిట్టాడని నర్సు పోలీసులకు ఫిర్యాదు చేశారు. నిందితుడిని పోలీసులు అరెస్టు చేశా రు. హౌరాలోని ఓ దవాఖానలో ల్యాబ్ టెక్నీషియన్‌గా పనిచేస్తున్న అమన్‌రాజ్ అనే వ్యక్తి సిటి స్కాన్ కోసం వెళ్లిన 13 ఏండ్ల బాలికను వేధించాడు. బాలిక తల్లి కేకలు వేయటంతో  స్థానికులు భారీగా తరలివ చ్చి అమన్‌పై దాడిచేసేందుకు ప్రయత్నించారు. పోలీసులు రంగంలోకి దిగి అతడిని అరెస్టు చేశారు.