నిజామాబాద్ (విజయక్రాంతి): మిడిమిడి జ్ఞానంతో డాక్టర్లుగా చలామణి అవుతూ రోగుల ప్రాణాలను హరించి వేస్తున్నారు. ఎటువంటి అర్హత లేకుండా లైసెన్స్​ లేకుండా వైద్యవృత్తిని నిర్వహిస్తున్న వ్యక్తిని అరెస్ట్​ చేసినట్లు ఏసీపీ రాజా వెంకట్​రెడ్డి తెలిపారు. ఆయన తెలిపిన వివరాల ప్రకారం... కల్లెడ గ్రామానికి చెందిన ఓ యువతి వైద్యుడిగా చలామణి అవుతున్న ఆర్​ఎంపీ హరికృష్ణ వద్దకు వైద్యం కోసం వెళ్లి అతను ఇచ్చిన మాత్రలు వేసుకున్న కాసేపటికి ఆ యువతికి తీవ్ర రక్తస్రావం జరగడంతో ఆందోళన చెందిన బంధువులు కుటుంబ సభ్యులు బాధితురాలిని  జిల్లా కేంద్రంలోని ఆస్పత్రికి తరలించారు. అక్కడి నుంచి మెరుగైన చికిత్స నిమిత్తం హైదరాబాద్​కు తరలిస్తుండగా మార్గమధ్యలో యువతి మృతి చెందింది. ఆమె తల్లి ఇచ్చిన ఫిర్యాదు మేరకు నకిలీ వైద్యుడు హరికృష్ణను అరెస్ట్​ చేసి రిమాండ్​కు తరలించినట్లు ఏసీపీ పేర్కొన్నారు.