న్యూఢిల్లీ: జమ్ముకశ్మీర్ కిస్త్ వాడ్ జిల్లాలో ఎదురుకాల్పుల్లో, ఇద్దరు సైనికులు అమరులయ్యారు. ఉగ్రవాదులతో జరిగిన ఎదురుకాల్పుల్లో మరో ఇద్దరు సైనికులకు తీవ్ర గాయాలయ్యాయి. ఆస్పత్రిలో చికిత్స పొందుతూ జూ. కమిషన్డ్ ఆఫీసర్ విపన్ కుమార్ మృతి చెందారు. ఆస్పత్రుల్లో చికిత్స తీసుకుంటూ సిపాయి అర్వింద్ సింగ్ కూడా ప్రాణాలు విడిచారు. ఉగ్రవాదులు కదలికలపై పక్కా సమాచారంతో భద్రతా సిబ్బంది దాడి చేసింది. ఉగ్రవాదుల కోసం ఆపరేషన్ కొనసాగుతోందని భద్రతా దళాలు పేర్కొన్నాయి.

దోడా, కిష్త్వార్, రాంబన్ జిల్లాలతో పాటు దక్షిణ కాశ్మీర్‌లోని అనంత్‌నాగ్, పుల్వామా, షోపియాన్, కుల్గామ్‌లోని 16 నియోజకవర్గాలను కవర్ చేసే చీనాబ్ లోయలోని ఎనిమిది అసెంబ్లీ నియోజకవర్గాల్లో సెప్టెంబర్ 18న ఓటింగ్ జరగడానికి కొద్ది రోజుల ముందు ఈ ఎన్‌కౌంటర్లు జరిగాయి. ప్రధానమంత్రి నరేంద్ర మోదీ శనివారం జమ్మూ కాశ్మీర్‌లో ఎన్నికల ప్రచారం చేయనున్నారు. జమ్మూ, కథువా, సాంబా జిల్లాలకు వరుసగా సెప్టెంబర్ 25, అక్టోబర్ 1 తేదీలలో రెండవ, మూడవ దశల్లో పోలింగ్ జరగనుంది.