1. ఓ వ్యక్తిని కాపాడిన గ్రామస్తులు..
   

మరో వ్యక్తి కోసం గాలింపు

సంగారెడ్డి, సెప్టెంబర్ 25 (విజయక్రాంతి)/జహీరాబాద్ :  వరుసగా కురుస్తున్న వర్షాలకు బుధవారం బుచినెల్లి ఘనపూర్  మార్గంలోని నారింజ వాగు పొంగింది. దీంతో బైక్ ప్రయాణిస్తూ  వాగు దాటుతున్న ఇద్దరు గల్లంతయ్యారు.  వీరిలో ఒకరిని స్థానికులు కాపాడగా, మరోవ్యక్తి కోసం గాలింపు చర్యలు జరుగుతున్నాయి.

తెలిసిన వివరాల ప్రకారం.. కర్ణాటకలోని బీదర్‌కు చెందిన ఇస్మాయిల్, షకీర్ ద్విచక్రవాహనంపై వస్తున్నారు. ఈక్రమంలో రోడ్డుపై బైక్ నారింజ వాగు ప్రవహిస్తుంది. అయినప్పటికీ ఇస్మాయిల్, షకీర్ బైక్ ఆపకుండా వెళ్తూనే ఉన్నారు. వాగు ఉధృతికి బైక్ కిందపడగా ఇద్దరు కొట్టుకు పోయారు.

ఇస్మాయిల్‌కు ఈత రావడంతో ఒడ్డుకు వచ్చే ప్రయత్నం చేశాడు. ఇది గమనించిన స్థానికులు వెంటనే వాగులోకి దూకి ఇస్మాయిల్‌ను రక్షించి బయటకు తీసుకొచ్చారు. అనంతరం షకీర్ కోసం గాలింపు చర్యలు చేపట్టారు. పరిస్థితిపై జహీరాబాద్ తహసీల్దార్ రవీందర్, ఎంపీడీవో శ్రీనివాస్‌రెడ్డి  ఆరా తీశారు. గురువారం ఉదయం తిరిగి గాలింపు చర్యలు కొనసాగిస్తారని తెలిసింది.