జహీరాబాద్ బైపాస్ రోడ్డులో కల్వర్టును ఢీకొన్న కారు 

జహీరాబాద్ (విజయక్రాంతి): 65 జాతీయ రహదారిపై జరిగిన రోడ్డు ప్రమాదంలో ఇద్దరు మృతి చెందగా మరో ఇద్దరికి తీవ్ర గాయాలయ్యాయి. శనివారం ఉదయం హైదరాబాద్ నుంచి కర్ణాటకలోని గానుగాపూర్ దత్తాత్రేయ దర్శనానికి వెళుతుండగా జహీరాబాద్ బైపాస్ రోడ్డులో ప్రమాదం జరిగింది. హైదరాబాద్ లోని కుతుబుల్లాపూర్ శివాలయ నగర్ కు చెందిన సురేష్ 25 నరసింహ రావు 45 ప్రమాదంలో మృతి చెందారు. మరో ఇద్దరికి తీవ్ర గాయాలు కావడంతో సంగారెడ్డి ప్రభుత్వ ఆసుపత్రికి తరలించారు. సంఘటన స్థలంలో ఒకరు మృతి చెందగా మరొకరు ఆసుపత్రికి తరలిస్తుండగా మార్గ మధ్యలో మృతి చెందారు. దైవ దర్శనానికి వెళుతుండగా జహీరాబాద్ బైపాస్ రోడ్డులో ఆదర్శనగర్ చౌరస్తా వద్ద కల్వర్టుకు కారు ఢీకొడంతో ప్రమాదం జరిగింది. ప్రమాద స్థలానికి పోలీసులు చేరుకొని విచారణ ప్రారంభించారు. ప్రమాదంలో మృతి చెందిన మృతదేహాలను పోస్టుమార్టం కోసం జహీరాబాద్ ఏరియా దవఖానలో ఉంచారు.