నలుగురు పరిస్థితి విషమం...

ట్రాఫిక్ అంతరాయంతో కిలోమీటర్ల మేర నిలిచిన వాహనాలు...

విజయక్రాంతి, కోదాడ: జాతీయ రహదారిపై రెండు బస్సులు ఢీకొన్న ఘటనలో 30 మందికి గాయాల కాగా నలుగురి పరిస్థితి విషమంగా ఉన్న ఘటన సూర్యాపేట జిల్లా కోదాడ పట్టణంలోని కట్టకమ్మగూడెం వద్ద జాతీయ రహదారిపై చోటుచేసుకుంది. తెల్లవారుజామున ప్రైవేట్ ట్రావెల్స్ బస్సు రోడ్డు పక్కన నిలిపి ఉండగా హైదరాబాదు నుండి విజయవాడ వెళ్తున్న టిఎస్ ఆర్టిసి బస్సు వెనుకనుండి ఢీకొట్టడంతో 30 మందికి స్వల్ప గాయాలుగా నలుగురు పరిస్థితి విషమంగా ఉందంటూ తెలిపారు. సంఘటన స్థలానికి చేరుకున్న పోలీసులు క్షతగాత్రులను 108 సహాయంతో కోదాడ ప్రభుత్వ ఆసుపత్రి తరలించారు. జాతీయ రహదారిపై రోడ్డు ప్రమాదం జరగడంతో కిలోమీటర్ల మేర ట్రాఫిక్ అంతరాయం ఏర్పడింది.