4.2 కిలోల గంజాయి స్వాధీనం

పక్కా సమాచారంతో పట్టుకున్న ఎక్సైజ్ అధికారులు

కామారెడ్డి, (నిజామాబాద్), (విజయక్రాంతి): నిజామాబాద్ జిల్లా కేంద్రంలో అక్రమంగా గంజాయి తరలిస్తున్న ఇద్దరిని వేరువేరుగా ఎక్సైజ్ పోలీసులు శనివారం రాత్రి పట్టుకున్నారు. ఇద్దరి వద్ద నుంచి 4.2 కిలోల గంజాయిని స్వాధీనం చేసుకున్నారు. ఒక్క సమాచారం మేరకు ఎక్సైజ్ అధికారులు కంటేశ్వర్ బైపాస్ నుంచి మాధవ్ నగర్ వెళ్లే రోడ్లో బైకుపై వెళ్తున్న సర్పరాజఖాన్ ను తనిఖీ చేయగా అతని వద్ద 2.1 కిలోల గంజాయి లభించినట్లు ఎక్సైజ్ పోలీసులు తెలిపారు. అదే రోడ్లో సాజిద్ అలీ అనే వ్యక్తి ఆటోలో తనిఖీ చేయగా 2.1 కిలోల గంజాయిని పోలీసులు పట్టుకున్నారు. సాజిద్ అలీ  పరారీలో ఉండగా సర్పరాజు సింగ్ ను అరెస్టు చేసి రిమాండ్ కు తరలించారు. ఈ తనిఖీల్లో ఎక్సైజ్ ఇన్స్పెక్టర్ దిలీప్, ఎక్సైజ్ ఎస్సై మల్లేష్ సిబ్బంది షబ్బీర్, ప్రభాకర్, రవి, సంగయ్య, దార్ సింగ్, సౌమ్య తదితరులు పాల్గొన్నారు.