హీరో కార్తీ, అరవింద్ స్వామి లీడ్ రోల్స్‌లో వస్తున్న చిత్రం ‘సత్యం సుందరం’. ‘96’ మూవీ ఫేమ్ సి.ప్రేమ్‌కుమార్ దర్శకత్వం వహిస్తున్న ఈ సినిమాను 2డి ఎంటర్ టైన్‌మెంట్ బ్యానర్‌పై నట దంపతులు సూర్య, జ్యోతిక నిర్మిస్తున్నారు. శుక్రవారం టీజర్‌ను విడుదల చేయడం ద్వారా మేకర్స్ ప్రమోషన్స్ ప్రారంభించారు. కార్తీ, అరవింద్ స్వామి.. రెండు వేర్వేరు ప్రపంచాలకు చెందిన వ్యక్తులుగా పరిచయం చేసిందీ టీజర్.

ఇద్దరు డిఫరెంట్ లైఫ్ స్టయిల్‌లో ఆకట్టుకున్నారు. కార్తీ అమాయకత్వంతో కూడిన రస్టిక్ క్యారెక్టర్ చేస్తే, అరవింద్ స్వామి రిజర్వ్‌డ్, అర్బన్ పర్సనాలిటీగా కనిపించారు. ఇంకా ఇందులో శ్రీదివ్య, స్వాతి కొండే, దేవదర్శిని ముఖ్య పాత్రలు పోషిస్తున్నారు. ఈ సినిమాను తెలుగులో ఏషియన్ సురేశ్ ఎంటర్‌టైన్‌మెంట్స్ రిలీజ్ చేస్తోంది. సెప్టెంబర్ 28న విడుదల కానున్న ఈ చిత్రానికి సంగీతం: గోవింద్ వసంత; డీవోపీ: మహేందిరన్ జయరాజు.