దిలీప్ ప్రకాశ్, రెజీనా కసాండ్రా లీడ్ రోల్స్‌లో నటించగా అర్జున్ సాయి రచన, దర్శకత్వంలో ప్రేక్షకుల ముందుకొచ్చిన చిత్రం ‘ఉత్సవం’. సురేశ్ పాటిల్ ఈ సినిమాను నిర్మించగా ప్రకాశ్‌రాజ్, నాజర్, రాజేంద్రప్రసాద్, బ్రహ్మానందం కీలక పాత్రలు పోషించారు. ఈ నెల 13న విడుదలై ప్రేక్షకాదరణ పొందుతున్న నేపథ్యంలో ఈ సినిమా బృందం హైదరాబాద్‌లో బుధవారం సక్సెస్ మీట్ నిర్వహించింది. ఈవెంట్‌లో హీరో దిలీప్ ప్రకాశ్ మాట్లాడుతూ.. ‘మీడియా సపోర్ట్‌తోనే నాకు సినిమాపై కాన్ఫిడెన్స్ వచ్చింది. అన్ని చోట్ల నుంచి చాలా మంచి రెస్పాన్స్ వస్తోంది. రేపటి నుంచి సక్సెస్ టూర్ చేస్తున్నాం’ అని తెలిపారు. యాక్టర్ అలీ మాట్లాడుతూ.. ‘నాటకం చాలా గొప్పది.

ఈ పాయింట్‌ని తీసుకొని ఉత్సవం చేయడం చాలా ఆనందంగా ఉంది. చాలా మంది నటీనటులతో కలసి పనిచేయడం మంచి అనుభూతినిచ్చింది’ అన్నారు. డైరెక్టర్ అర్జున్ సాయి మాట్లాడుతూ.. ‘ఇందులో మంచి లవ్‌స్టొరీ, ఫ్యామిలీ డ్రామా ఉంది. సినిమా చూసిన వారంతా గొప్ప ప్రయత్నమని అభినందిస్తున్నారు’ అని చెప్పారు. ఈ వేదికపై యూనిట్ సురభి నాటక రంగం కళాకారులను సత్కరించారు. సురభి నాటక రంగ కళాకారులు, సినిమా యూనిట్ అంతా ఈ సక్సెస్ మీట్‌లోమీట్‌లో పాల్గొన్నారు.