హైదరాబాద్ సిటీబ్యూరో, జనవరి 30 (విజయక్రాంతి): జాతిపిత మహాత్మాగాంధీ వర్ధంతి సందర్భంగా తెలంగాణ నాన్ గెజిటెడ్ ఆఫీసర్స్ యూనియన్ కేంద్ర సంఘం ప్రధాన కార్యదర్శి డా.ఎస్‌ఎం హుస్సేని (ముజీబ్) అధ్యక్షతన హైదరాబాద్ జిల్లా కార్యాలయంలో గురువారం గాంధీ చిత్రపటానికి నివాళి అర్పించారు.

కార్యక్రమంలో జిల్లా అసోసియేట్ అధ్యక్షులు కేఆర్ రాజ్‌కుమార్, కోశాధికారి బాలరాజ్, ఉపాధ్యక్షులు కుర్రాడి శ్రీనివాస్, సభ్యులు శ్రీధర్ నాయుడు, ప్రత్యేక ఆహ్వానితులు సిటీ అధ్యక్షుడు శ్రీకాంత్, మాజీ కార్యదర్శి ప్రభాకర్, జిల్లా యూనిట్ సభ్యులు సత్యనారాయణ జాఫర్, పీఆర్‌ఓ మొహమ్మద్ వహీద్ మరియు ముస్తఫా షరీఫ్ పాల్గొన్నారు.

ఈ సందర్భంగా ముజీబ్ మాట్లాడుతూ.. మహాత్మా గాంధీ చూపిన అహింసా మార్గం అనుసరించాలన్నారు. ఉద్యోగుల సమస్యలపై పోరాటం చేస్తామన్నారు.