హైదరాబాద్: నగరంలోని ఈఎస్ఐ ఆసుపత్రి మెట్రో స్టేషన్ వద్ద శనివారం ఉదయం ఓ ప్రైవేట్ ట్రావెల్స్ బస్సు బీభత్సం సృష్టించింది. బళ్లారి నుంచి హైదరాబాద్ వస్తుండగా ఈ ఘటన చోటుచేసుకుంది. అతివేగంతో దూసుకొచ్చిన గో టూర్ ట్రావెల్స్ బస్సు కారును ఢీ కొట్టి ఈడ్చుకెళ్ళింది. గో టూర్ ట్రావెల్స్ బస్సు దూసుకురావడంతో ప్రాణభయంతో వాహనదారులు, పాదాచారులు పరుగులు పెట్టారు. వాహనదారులు, జనం కేకలు వేయటంతో డ్రైవర్ కారులో నుంచి బయటకు దూకి ప్రాణాలు కాపాడుకున్నాడు. కానీ ఈ ప్రమాదంలో కారు ముందు భాగం తుక్కుతుక్కు అయింది.  బాధిత కారు డ్రైవర్ సమాచారంతో ఘటనా స్థలానికి చేరుకున్న పోలీసులు కేసు నమోదు చేసుకొని దర్యాప్తు చేస్తున్నారు.