సుకుమార్ దర్శకత్వంలో ‘పుష్ప ది రైజ్’తో అల్లు అర్జున్ క్రియేట్ చేసిన సంచలనం అంతా ఇంతా కాదు. తెలుగు సినిమా గురించి ప్రపంచవ్యాప్తంగా మరోసారి మాసివ్ గా మాట్లాడుకోవడం ఈ చిత్రం గొప్పతనమే అని చెప్పాలి. ఇక త్వరలోనే రెండో భాగంగా వస్తున్న ‘పుష్ప-2 ది రూల్’ ద్వారా అల్లు అర్జు న్, -సుకుమార్‌ల ద్వయం మరో సంచలనాన్ని సృష్టించబోతున్నారు. సుకు మార్ రైటింగ్స్ అసోసియేషన్‌తో మైత్రీ మూవీ మేకర్స్ పతాకంపై నవీన్ ఎర్నే ని, యలమంచిలి రవిశంకర్ అత్యంత ప్రతిష్టాత్మకంగా నిర్మిస్తున్న ఈ సినిమా షూటింగ్ ప్రస్తుతం చివరి దశలో ఉంది. మరో వైపు నిర్మాణానంతర పనులు సైతం శరవేగంగా జరుపుకొంటోంది.

ఇంకోవైపు ప్రచార కార్యక్రమాలూ ఊపందుకున్నాయి. అయితే, ఈ చిత్రం ప్రమోషన్స్‌ను పాట్నా, కోల్‌కటా, చెన్నై, కొచ్చి, బెంగళూరు, ముంబై, హైదరాబాద్‌లో నిర్వహించనున్నారు. ఇందు లో భాగంగా చిత్రబృందం.. ట్రైలర్ లాంచ్‌ను నవంబర్ 17న పాట్నా లో నిర్వహించనుంది. ఈ విషయాన్ని వెల్లడిస్తూ మేకర్స్ సోమవారం విడుదల చేసిన మాసివ్ పోస్టర్ ఆకట్టుకుంటోంది.

ఈ పోస్టర్‌లో గన్‌ను భుజన వేసుకుని మాసివ్, ఫైర్ లుక్‌తో.. తనదైన స్వాగ్‌తో అల్లు అర్జున్ నడిచొస్తున్న స్టిల్.. చూస్తూ అభిమానగణమంతా ఆనంద డోలికల్లో తేలియాడుతోంది. రష్మిక మందన్న కథానాయికగా నటిస్తున్న ఈ సినిమాలో ఫహాద్ ఫాజిల్, రావు రమేశ్, సునీల్, అనసూయ భరద్వాజ్ తదితరులు ముఖ్య పాత్రల్లో నటిస్తున్నారు. డిసెంబర్ 5న ప్రపంచవ్యాప్తంగా విడుదల కానుందీ చిత్రం.