కొండచరియలు విరిగిపడి ముగ్గురు భక్తులు మృతి

న్యూఢిల్లీ, జూలై 21 : దేవభూమిగా పేరొందిన ఉత్తరాఖండ్‌లో జరుగుతున్న కేదార్‌నాథ్ యాత్రలో విషాదం చోటు చేసుకుంది. ఆదివారం గౌరీకుండ్‌ేొచిర్బాసా మార్గం మధ్యలో కొండచరియలు విరిగిపడి ముగ్గురు భక్తులు మృతి చెందారు. మరో ఎనిమిది మందికి తీవ్ర గాయాలయ్యాయి. మృతిచెందిన వారిలో ఒకరు రుద్రప్రయాగ్ జిల్లాకు చెందిన వ్యక్తిగా గుర్తించారు. ఈ ఘటనపై ఆ రాష్ట్ర ముఖ్యమంత్రి పుష్కర్ సింగ్ ధామీ విచారం వ్యక్తం చేశారు. క్షతగాత్రులను ఆసుపత్రికి తరలించి, మెరు గైన చికిత్స అందేలా ఏర్పాట్లు చేయాలని అధికారులను ఆదేశించారు.