కామారెడ్డి,(విజయక్రాంతి): అక్రమంగా ఇసుకను తరలిస్తున్న ఆరు ట్రాక్టర్లను బిచ్కుంద పోలీసులు మంగళవారం రాత్రి పట్టుకున్నారు. కామారెడ్డి జిల్లా బిచ్కుంద మండలం హస్గుల్ మంజీరా వాగు నుంచి అక్రమంగా ఇసుకను తరలిస్తున్నారనే సమాచారం మేరకు బిచ్కుంద పోలీసులు దాడులు నిర్వహించి ఆరు ట్రాక్టర్లలో ఇసుకను అక్రమంగా తరలిస్తుండగా ఎస్సై మోహన్ రెడ్డి ఆధ్వర్యంలో పోలీస్ సిబ్బంది దాడులు నిర్వహించి ఆరు ట్రాక్టర్లను సీజ్  చేసినట్లు ఎస్సై తెలిపారు. అక్రమంగా ఇసుక తరలిస్తే కఠిన చర్యలు తీసుకుంటామని ఎస్సై హెచ్చరించారు.