నవంబర్ 22. ఈ ఒక్క రోజే పది సినిమాలు ప్రేక్షకుల ముందుకొస్తున్నాయి. మరో రెండు చిత్రాలు కూడా ఇదే డేట్‌లో రిలీజ్ కావాల్సి ఉంది. అయితే అనివార్య కారణాల వల్ల వాటి విడుదల తేదీలను వాయిదా వేసుకున్నాయి ఆ చిత్రబృందాలు. అందులో ఒకటి రోటీ కపడా రొమాన్స్’ కాగా, రెండోది ఉద్వేగం’ సినిమా. బెక్కెం వేణుగోపాల్, సృజన్‌కుమార్ బొజ్జంతో కలిసి నిర్మించిన చిత్రమే రోటీ కపడా రొమాన్స్’. విక్రమ్‌రెడ్డి దర్శకత్వం వహించిన ఈ చిత్రాన్ని మేకర్స్ తొలుత నవంబర్ 22న విడుదల చేయాలనుకున్నారు. అయితే థియేటర్లు దొరకని కారణంగా ఇదే నెల 28న రిలీజ్ చేస్తున్నట్టు తాజాగా ప్రకటించారు. కాగా, ఈ నెల 22 నుంచి ఉభయ తెలుగు రాష్ట్రాల్లోని ముఖ్యమైన నగరాల్లో పెయిడ్ ప్రీమియర్స్ ప్లాన్ చేస్తున్నామని నిర్మాతలు తెలిపారు. వారం ఆలస్యంగా ఉద్వేగం’.. జీ శంకర్, ఎల్ మధు నిర్మించిన చిత్రం ఉద్వేగం’. ఈ కోర్టు డ్రామాకు మహిపాల్ రెడ్డి దర్శకత్వం వహించారు. త్రిగున్ ప్రధాన పాత్ర పోషించిన ఈ చిత్రంలో దీప్సిక కథానాయికగా నటించింది. అయితే ఇదివరకు ప్రకటించిన తారీఖున కాకుండా ఈ సినిమా ఒక వారం ఆలస్యంగా థియేటర్లలోకి రానుంది. నవంబర్ 22న విడుదల కావాల్సిన ఈ చిత్రాన్ని, సాంకేతిక కారణాల వల్ల నవంబర్ 29న విడుదల చేయనున్నట్టు చిత్రబృందం తాజాగా ప్రకటించింది.