హైదరాబాద్: డ్రగ్స్ కేసుల్లో వాంటెడ్ గా ఉన్న టాలీవుడ్ నటుడు అభిషేక్ ను నార్కోటిక్స్ కంట్రోల్ బ్యూరో పోలీసులు అరెస్ట్ చేశారు. అభిషేక్ 2012 నుంచి డ్రగ్స్ కేసులో పలుసార్లు అరెస్ట్ అయ్యాడు. జూబ్లీహిల్స్, ఎస్సార్ నగర్ పీఎస్ లలో అభిషేక్ పై పలు కేసులున్నాయి. దక్షిణాఫ్రికాకు చెందిన బల్క్ కొకైన్ సరఫరాదారులతో బలమైన అనుబంధాన్ని కలిగి ఉన్న అభిషేక్, ముంబై, గోవా, పూణేలోని ప్రదేశాలకు కొకైన్‌ను పెద్దమొత్తంలో సరఫరా చేస్తున్నాడని పోలీసు వర్గాలు తెలిపాయి.

ఉత్తరప్రదేశ్‌కు చెందిన అభిషేక్ 2012లో శ్రీనివాసులుతో కలిసి ప్రయాణిస్తున్నప్పుడు డ్రగ్స్ కేసులో అరెస్టయ్యాడు. పోలీసుల తనిఖీల్లో 10 కొకైన్ ప్యాకెట్లతో పట్టుబడ్డారు. అలాగే నవీన్‌తో పాటు ఇద్దరు నైజీరియన్లు కూడా అరెస్టయ్యారు. డ్రగ్స్ కేసులు మొదలైనప్పటి నుంచి అభిషేక్ కు సినిమా అవకాశాలు తగ్గాయి. దీంతో అభిషేక్ గోవాలో రెస్టారెంట్ నిర్వహిస్తున్నాడు. అభిషేక్ ను అదుపులోకి తీసుకున్న సీసీఎస్ పోలీసులు విచారిస్తున్నారు.