వెంకటేశ్, అనిల్ రావిపూడి కాంబోలో వస్తున్న చిత్రం ‘సంక్రాంతికి వస్తున్నాం’. ప్రస్తుతం ఈ సినిమా చిత్రీకరణ దాదాపు పూర్తికావొచ్చింది. ఈ చిత్రానికి సంబంధించిన ఓ అప్‌డేట్‌ను చిత్రబృందం తాజాగా పంచుకుంది. దాదా పు 18 ఏళ్ల తర్వాత ప్రముఖ సంగీత దర్శకుడు రమణ గోగుల, వెంకటేశ్ కాంబో రిపీట్ కాబోతోందని వెల్లడించింది. వాస్తవానికి రమణ గోగుల 11 ఏళ్లుగా అంటే ‘వెంకటాద్రి ఎక్స్‌ప్రెస్’, ‘1000 అబద్దాలు’ చిత్రాల తర్వాత ఇండస్ట్రీకి దూరంగా ఉంటూ వస్తున్నారు.

ప్రస్తు తం ఆయన వ్యాపార రంగంలో రాణిస్తున్నారు. చాలా కాలం తర్వాత ‘సంక్రాంతికి వస్తున్నాం’ చిత్రం కోసం ఆయన గొంతు సవరించుకోనున్నారు. ఈ విషయాన్ని అనిల్ రావిపూడి స్వయంగా వెల్లడించారు. ‘సంక్రాంతికి వస్తున్నాం’ చిత్రంలో వెంకటేశ్ మాజీ పోలీ స్ అధికారిగా కనిపించనున్నారు. మీనాక్షి చౌదరి, ఐశ్వర్య రాజేష్ కథానాయికలుగా నటిస్తున్నారు. శ్రీ వేంకటేశ్వర క్రియేషన్స్ పతాకంపై దిల్ రాజు ఈ చిత్రాన్ని నిర్మిస్తున్నారు. సంక్రాంతి కానుకగా ఈ సినిమా ప్రేక్షకుల ముం దుకు రానుంది.