ప్రముఖ దర్శకుడు ముత్యాల సుబ్బయ్య సమర్పణలో ఆయన తనయుడు ముత్యాల అనంత కిషోర్ నిర్మిస్తున్న చిత్రం ‘తల్లి మనసు’. ఆయన సినీరంగంలోకి నిర్మాతగా అడుగుపెట్టి తొలిసారి నిర్మిస్తున్న ఈ చిత్రం ముత్యాల మూవీ మేకర్స్ పతాకంపై రూపొందుతోంది. రచిత మహాలక్ష్మి, కమల్ కామరాజు, సాత్విక్, సాహిత్య ప్రధాన పాత్రధారులు. పలువురు ప్రముఖ దర్శకుల వద్ద దర్శకత్వ శాఖలో అనుభవం గడించిన వీ శ్రీనివాస్ దర్శకుడిగా పరిచయమవుతున్నది కూడా ఈ సినిమాతోనే. కొద్ది రోజుల క్రితం ప్రారంభమైన ఈ మూవీ షూటింగ్ శరవేగంగా జరుగుతోంది.

హైదరాబాద్, బీహెచ్‌ఈఎల్‌లో హీరోయిన్ ఇంటికి సంబంధించిన సన్నివేశాలను చిత్రీకరించారు. 30 శాతం షూటింగ్‌ను సింగిల్ షెడ్యూల్‌లోనే పూర్తి చేస్తామని నిర్మాత కిషోర్ చెప్పారు. మరోవైపు ఎడిటింగ్ పనులూ కొనసాగుతున్నాయని తెలిపారు. వాస్తవిక కుటుంబ అంశాలకు దగ్గరగా ఉండే, తల్లి మనసుకు అద్దం పట్టే చిత్రమిదని మూవీ స్పాన్సర్ సుబ్బయ్య వివరించారు. ఈ చిత్రానికి మాటలు: నివాస్; పాటలు: భువనచంద్ర; సంగీతం: కోటి; డీవోపీ: ఎన్.సుధాకర్‌రెడ్డి.