ఐసీసీ టీ2౦ ర్యాంకింగ్స్

దుబాయ్: ఐసీసీ టీ20 ర్యాంకింగ్స్‌లో తెలుగు క్రికెటర్ తిలక్ వర్మ సత్తా చాటాడు. సౌతాఫ్రికాతో టీ20 సిరీస్‌లో రెండు సెంచరీలు బాదిన తిలక్ ఏకంగా 69 స్థానాలు ఎగబాకి తొలిసారి టాప్-10లోకి దూ సుకొచ్చాడు. టీమిండియా కెప్టెన్ సూర్యకుమార్ యాదవ్‌ను వెనక్కు నెట్టిన తిలక్ (806 పాయింట్లు) మూడో స్థానాన్ని ఆక్రమించాడు.

ట్రావిస్ హెడ్ (855 పాయింట్లు), ఫిల్ సాల్ట్ (828 పాయింట్లు) తొలి రెండు స్థానాల్లో ఉన్నారు. భారత టీ20 కెప్టెన్ సూర్యకుమార్ ఒక స్థానం దిగజారి నాలుగో స్థానంలో నిలిచాడు. ఇక ఆల్‌రౌండర్ల విభాగంలో భారత స్టార్ హర్దిక్ పాండ్యా తిరిగి నంబర్‌వన్ స్థానానికి చేరుకున్నాడు.

సఫారీలతో సిరీస్‌లో పాల్గొన్న హార్దిక్ రెండు స్థానాలు మెరుగుపరుచుకొని 244 పాయింట్లతో తొలి స్థానంలో నిలిచాడు. లివింగ్‌స్టోన్ రెండు స్థానాలు దిగజారి మూడోస్థానానికి చేరుకుకోగా.. నేపాల్  ఆటగాడు దీపేంద్ర సింగ్ రెండో స్థానంలో ఉన్నాడు. ఆల్‌రౌండర్ అక్షర్ పటేల్ 13వ స్థానంలో కొనసాగుతున్నాడు.