మందమర్రి,(విజయక్రాంతి): పట్టణ మున్సిపల్ నూతన కమిషనర్ గా తుంగపిండి రాజలింగు శుక్రవారం బాధ్యతలు చేపట్టారు. ఇది వరకు ఇక్కడ కమిషనర్ గా పనిచేసిన ఎన్ వెంకటేశ్వర్లును మహబూబ్ నగర్ జిల్లా వనపర్తి మున్సిపల్ కమిషనర్ గా బదిలీ అయ్యారు. ఆయన స్థానంలో రామగుండం కార్పొరేషన్ లో అసిస్టెంట్ కమిషనర్ గా విధులు నిర్వహిస్తున్న రాజలింగును మందమర్రి మున్సిపల్ కమిషనర్ గా నియమిస్తూ మున్సిపల్ అధికారులు ఉత్తర్వులు జారీ చేశారు. కాగా నూతనంగా బాధ్యతలు చేపట్టిన కమిషనర్ ను కార్యాలయం అధికారులు కలిసి పుష్పగుచ్చం అందచేసి  శుభాకాంక్షలు తెలిపారు. ఇదిలా ఉండగా పట్టణంలోని పలు రాజకీయ పార్టీల నాయకులు, స్వచ్ఛంద సంస్థల నిర్వాహకులు, మున్సిపల్ రిజిస్టర్డ్ కాంట్రాక్టర్లు కమిషనర్ ను సన్మానించారు.