టాలీవుడ్‌కు పలు మంచి చిత్రాలను అందించిన డైరెక్టర్ వీఎన్ ఆదిత్య కొత్త సినిమాను తెరకెక్కిస్తున్నారు. ఓఎంజీ ప్రొడక్షన్స్ బ్యానర్‌పై డాక్టర్ మీనాక్షి అనిపిండి నిర్మిస్తున్న ఈ సినిమాలో హీరోయిన్ కేథరీన్ ట్రెసా కీలక పాత్రలో నటిస్తోంది. మంగళవారం కేథరీన్ ట్రెసా పుట్టినరోజు సందర్భంగా ఆమెకు బర్త్ డే విషెస్ చెబుతూ మేకర్స్ స్పెషల్ పోస్టర్ రిలీజ్ చేశారు. ఈ పోస్టర్‌లో కేథరీన్ అందం ఆకట్టుకుంటోంది. థ్రిల్లర్ కథాంశంతో ప్రేక్షకులకు నచ్చే అన్ని అంశాలతో రూపొందుతున్న ఈ చిత్రంలో ఎంతోమంది అమెరికన్స్, స్పానిష్ పీపుల్, ఆఫ్రికన్స్, యూరోపియన్స్, ఏషియన్స్, తమిళ్, కన్నడ, తెలుగు ఆర్టిస్టులు కీలక పాత్రల్లో నటించనున్నారు.

యూఎస్‌లోని డల్లాస్‌లో చిత్రీకరించనున్న ఈ థ్రిల్లర్ సినిమాకు సంబంధించిన మరిన్ని వివరాలను మేకర్స్ త్వరలో ప్రకటించనున్నారు. మొత్తానికి దేశవిదేశాల నటీనటులతో కలిసి నటించనున్న కేథరీన్.. డల్లాస్ కేంద్రంగా తాను కొత్త అనుభూతుల్ని పొందుతూనే, థ్రిల్లర్ సినీప్రియులు సైతం థ్రిల్లింగ్ ఎక్స్‌పీరియన్స్ సొంతం చేసుకునే భాగ్యం కల్పించేందుకు సిద్ధమవుతోందన్న మాట!