కరీంనగర్, ఆగస్టు 14 : ఉదయం 8:30 గంటలైందంటే చాలు.. కరీంనగర్ జిల్లా చొప్పదండి మండలం ఆర్నకొండ గ్రామస్తులంతా ఎక్కడివారు అక్కడే నిలిచి జనగణమన గీతం ఆలపిస్తారు.. 75వ స్వాతంత్య్ర దినోత్సవ వేడుకల్లో భాగంగా 2021 ఆగస్టు 13న అశోక్ ఆదిత్య యూత్ క్లబ్ వ్యవస్థాపక అధ్యక్షుడు జన్నారం శ్రీనివాస్ చొరవతో గ్రామస్తులు బస్టాండ్ కూడలిలో కార్యక్రమానికి శ్రీకారం చుట్టారు. గీతాలపనను నిత్యం కొనసాగించేందుకు కొందరు దాతలు మైక్ సెట్‌ను సమకూర్చారు. ఎంతపని ఉన్నా సరే.. ప్రతి గ్రామస్తుడు ప్రతిరోజూ క్రమం తప్పకుండా జాతీయ గీతాన్ని ఆలపించడం విశేషం.