హైదరాబాద్: లిఫ్ట్ కూలిన ప్రమాదంలో ముగ్గురు మహిళలకు తృటిలో ప్రమాదం తప్పింది. ఆసిఫ్ నగర్‌ పోలీస్ స్టేషన్(Asif Nagar Police Station Area) పరిధి మురాద్ నగర్‌(Murad Nagar)లోని ఒక అపార్ట్‌మెంట్ కాంప్లెక్స్‌లో ఆదివారం రాత్రి లిఫ్ట్ కూలిపోవడం(Lift accident)తో ముగ్గురు మహిళలు గాయపడినట్లు స్థానికులు తెలిపారు. గ్రౌండ్ ఫ్లోర్ నుండి నాల్గవ అంతస్తుకు చేరుకునే సమయంలో లిఫ్ట్ తాడు (ట్రాక్షన్ కేబుల్) అకస్మాత్తుగా తెగిపోవడంతో ఈ సంఘటన జరిగిందని, లిఫ్ట్ క్యాబిన్ లోపల ఉన్నవారితో పాటు కిందపడిపోయిందని స్థానికులు పోలీసులకు తెలిపారు. 

అందుబాటులో ఉన్న సమాచారం ప్రకారం, ఈ సంఘటనలో ముగ్గురు వ్యక్తులు గాయపడ్డారు. పెద్ద శబ్దం విన్న అపార్ట్‌మెంట్లలోని ఇతర నివాసితులు సంఘటనా స్థలానికి చేరుకుని బాధితులను కాపాడేందుకు సహాయక చర్యలు ప్రారంభించారు. వారు వెంటనే అంబులెన్స్‌కు ఫోన్ చేసి, గాయపడిన వారిని చికిత్స కోసం సమీపంలోని ఆసుపత్రికి తరలించారు. వారి పరిస్థితి నిలకడగా ఉందని వైద్యులు వెల్లడించారు. లిఫ్ట్‌లో ఇద్దరు పిల్లలు ఉన్నప్పటికీ, వారు అదృష్టవశాత్తూ తప్పించుకున్నారు. ఆసిఫ్ నగర్ పోలీసులు(Asif Nagar Police) సంఘటనా స్థలానికి చేరుకుని ప్రమాదానికి గల కారణం, లిఫ్ట్ విఫలమైన పరిస్థితులపై దర్యాప్తు చేపట్టారు. ఈ మధ్య కాలంలో వరస లిఫ్ట్ ప్రమాదాలు చోటుచేసుకుంటున్న విషయం తెలిసిందే.