81.950 కిలోల గంజాయి స్వాధీనం

భద్రాద్రికొత్తగూడెం,(విజయక్రాంతి): భద్రాద్రి కొత్తగూడెం జిల్లా భద్రాచలం లోని చెక్ పోస్ట్ వద్ద గురువారం ఉదయం అక్రమంగా తరలిస్తున్న గంజాయి ముఠా ను నార్కోటెక్స్ డిపార్ట్మెంట్ అధికారులు పట్టుకున్నారు. వారు తెలిపిన వివరాల ప్రకారం.. గురువారం ఉదయం భద్రాచలం చెక్ పోస్ట్(Bhadrachalam Check Post) వద్ద వాహన తనిఖీలు నిర్వహించుచుండగా హుండాయ్ గ్రాండ్ ఐటెం ఆస్తా కారు రాగా అట్టి కారును తనిఖీ చేయగా అందులో  81.950 కిలోగ్రాముల ఎండు గంజాయి లభ్యమైందన్నారు.

గంజాయిని తరలిస్తున్న కారులో ఉన్నటువంటి ముగ్గురు వ్యక్తులను అదుపులోనికి తీసుకొని విచారించగా ఆ వ్యక్తుల పేర్లు  చతిస్గడ్ రాష్ట్రం సుక్మా జిల్లా కుంట తాలూకాకు చెందిన మడవి నంద, భద్రాద్రి కొత్తగూడెం జిల్లా(Bhadradri Kothagudem District) బూర్గంపాడు మండలం సోంపల్లి గ్రామానికి చెందిన పండగ వెంకటేశ్వర్లు (తెలంగాణ కేసరి పత్రిక రిపోర్టర్) అదే గ్రామానికి చెందిన పండగ రాములు(సూర్యా పేపర్) అని తెలిసింది. వారు AP37 BU 5216. హుండాయ్ గ్రాండ్ i10 ఆస్త వాహనంలో 81.950kgs గంజాయిని తరలిస్తూ పట్టుబడ్డారు. పట్టుకున్న గంజాయి విలువ రూ20.25 లక్షలు ఉంటుందన్నారు. తదుపరి విచారణ నిమిత్తం ముగ్గురు వ్యక్తులను గంజాయిని మరియు కారును భద్రాచలం టౌన్ పోలీస్ స్టేషన్కు అప్పగించినారు.