బీజాపూర్: ఛత్తీస్‌గఢ్‌లోని బీజాపూర్(Bijapur) జిల్లాలో ఆదివారం భద్రతా సిబ్బంది(Security Forces)తో జరిగిన ఎన్‌కౌంటర్‌లో ముగ్గురు మావోయిస్టులు మరణించారని పోలీసులు తెలిపారు. ఇంద్రావతి నేషనల్ పార్క్ ప్రాంతంలోని అటవీ ప్రాంతంలో ఉదయం భద్రతా సిబ్బంది ఉమ్మడి బృందం యాంటీ నక్సలైట్ ఆపరేషన్‌లో ఉండగా కాల్పులు జరిగాయని బస్తర్ రేంజ్ ఇన్‌స్పెక్టర్ జనరల్ ఆఫ్ పోలీస్ సుందర్‌రాజ్ తెలిపారు. ఈ ఆపరేషన్‌లో డిస్ట్రిక్ట్ రిజర్వ్ గార్డ్ (డిఆర్‌జి),స్పెషల్ టాస్క్ ఫోర్స్ (ఎస్‌టిఎఫ్), డిస్ట్రిక్ట్ ఫోర్స్‌కు చెందిన సిబ్బంది పాల్గొన్నారని ఆయన వెల్లడించారు. అడపాదడపా కాల్పులు ఆగిపోయిన తర్వాత, ఆటోమేటిక్ వాటితో సహా తుపాకీలతో పాటు 'యూనిఫారం' ధరించిన ముగ్గురు నక్సలైట్ల మృతదేహాలు, ఘటనాస్థలంలో పేలుడు పదార్థాలను స్వాధీనం చేసుకున్నట్లు అధికారి తెలిపారు.

ఆ ప్రాంతంలో ఇంకా సెర్చ్ ఆపరేషన్(search operation) కొనసాగుతోందన్నారు. దీంతో రాష్ట్రంలో ఈ ఏడాది ఇప్పటివరకు జరిగిన వేర్వేరు ఎన్‌కౌంటర్లలో 12 మంది నక్సలైట్లు హతమయ్యారు. జనవరి 6న ముగిసిన నారాయణపూర్-దంతేవాడ-బీజాపూర్(Narayanpur-Dantewada-Bijapur) జిల్లాల సరిహద్దులోని అబుజ్‌మద్‌లో భద్రతా దళాలు మూడు రోజుల పాటు నక్సల్ వ్యతిరేక ఆపరేషన్‌లో ఇద్దరు మహిళలతో సహా ఐదుగురు నక్సలైట్లు మరణించారు. జనవరి 9న సుక్మా జిల్లాలో భద్రతా బలగాలతో జరిగిన ఎన్‌కౌంటర్‌(Encounter)లో ముగ్గురు నక్సలైట్లు మరణించారు. అంతకుముందు, జనవరి 3 న, రాయ్‌పూర్ డివిజన్‌లోని గరియాబంద్ జిల్లా(Gariaband District)లో భద్రతా సిబ్బందితో జరిగిన ఎన్‌కౌంటర్‌లో ఒక నక్సలైట్ మరణించాడు. గతేడాది రాష్ట్రంలో జరిగిన వేర్వేరు ఎన్‌కౌంటర్లలో 219 మంది నక్సలైట్లను భద్రతా బలగాలు మట్టుబెట్టాయి. ఈ ఏడాది జనవరి 6న బీజాపూర్ జిల్లాలో నక్సలైట్లు వాహనాన్ని ఐఈడీ(IED)తో పేల్చివేసి ఎనిమిది మంది పోలీసు సిబ్బందితో పాటు వారి సివిల్ డ్రైవర్‌ను హతమార్చారు.