1. రేపు పలు జిల్లాలకు ఆరెంజ్ అలర్ట్ 
2. బుధ, గురువారాల్లో ఎల్లో అలర్ట్ 
3. వాతావరణ శాఖ

హైదరాబాద్, సెప్టెంబర్ 9 (విజయక్రాంతి): రాష్ట్రంలోని పలు జిల్లాల్లో మరో మూడు రోజుల పాటు మోస్తరు నుంచి భారీ వర్షాలు కురుస్తాయని సోమవారం హైదారాబాద్ వాతావరణ శాఖ తెలిపింది. మంగళవారం కొమురంభీం అసిఫాబాద్, మంచిర్యాల, జయశంకర్ భూపాలపల్లికి భారీ నుంచి అతిభారీ వర్ష సూచన ఉందని హెచ్చరించింది. ఆయా జిల్లాలకు ఆరెంజ్ అలర్ట్ జారీ చేసింది. ఆదిలాబాద్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, భద్రాద్రి కొత్తగూడెం, ఖమ్మం, మహబూబాబాద్, వరంగల్, హనుమ కొండ, హైదరాబాద్, మేడ్చల్, వికారాబాద్, సంగారెడ్డి, మెదక్ జిల్లాల్లో మంగళవారం మోస్తరు వర్షం కురుస్తుందని ప్రకటించింది. ఇవే జిల్లాల్లో బుధవారం, గురువారం మోస్తరు వానలు కురుస్తాయని పేర్కొన్నది.