2 November, 2024 | 11:38 AM
కర్నూలు జిల్లాలో రోడ్డు ప్రమాదం: ముగ్గురు మృతి
02-11-2024 09:49:33 AM
అమరావతి: కర్నూలు జిల్లాలో శనివారం ఉదయం ఘోర రోడ్డు ప్రమాదం సంభవించింది. వేగంగా వచ్చి అదుపుతప్పిన కారు- ఆటో ఢీకొన్న ప్రమాదంలో ముగ్గురు మహిళలు మృత్యువాతపడ్డారు. కర్నూలు జిల్లా నందవరం మండలం ధర్మాపురం జరిగిన ఈ ప్రమాదంలో బాలికకు తీవ్రగాయాలయ్యాయి. తక్షణమే ఆమెను కర్నూలు ఆస్పత్రికి తరలించారు. స్థానికుల సమాచారంతో ఘటనాస్థలికి చేరుకున్న పోలీసులు కేసు నమోదు చేసుకుని మృతదేహాలను శవపరీక్ష నిమిత్తం మార్చురీకి తరలించారు.
