21,22 తేదీల్లో ఎల్లో అలర్ట్ జారీ చేసిన ఐఎండీ

హైదరాబాద్, సెప్టెంబర్ 18(విజయక్రాంతి): రాష్ట్రంలో మూడు రోజ ల పాటు తేలికపాటి వర్షాలు కురుస్తాయని, ఆ తర్వాత రెండు రోజులు భారీ వానలు పడుతాయని హైదరాబాద్ వాతావరణ కేంద్రం (ఐఎండీ) పేర్కొంది. బుధవారం ఈ మేరకు ప్రకటన విడుదల చేసింది. భారీ వర్షాల నేపథ్యంలో 21, 22 తేదీల్లో ఐఎండీ ఎల్లో అలర్ట్ జారీ చేసింది. పశ్చిమ, వాయువ్య దిశల గాలుల ప్రభావం కారణంగా ఈ వర్షాలు కురుస్తాయని వివరించింది. ఆదిలాబాద్, ఆసిఫాబాద్, మంచిర్యాల, నిర్మల్, నిజాబామాద్, జగిత్యాల, సిరిసిల్ల, కరీంనగర్, పెద్దపల్లి, భూపాల పల్లి, ములుగు, రంగారెడ్డి, హైదరాబాద్, మేడ్చల్, వికారాబాద్, సంగా రెడ్డి, మెదక్, కామారెడ్డి జిల్లాల్లో ఈ రెండు రోజులు వర్షాలు కురిసే అవకాశం ఉందని ఐఎండీ పేర్కొంది.