వెన్నెల కిషోర్, అనన్య నాగళ్ల లీడ్ రోల్స్‌లో నటిస్తున్న క్రైమ్ -కామెడీ థ్రిల్లర్ శ్రీకాకుళం షెర్లాక్ హోమ్స్’. రైటర్ మోహన్ దర్శకత్వం వహిస్తున్న ఈ సినిమాను శ్రీ గణపతి సినిమాస్ పతాకంపై వెన్నపూస రమణారెడ్డి నిర్మిస్తున్నారు. ఇందులో సీయా గౌతమ్ మరో హీరోయిన్ గా నటిస్తుండగా, స్నేహ గుప్తా, రవితేజ మహద్యం, బాహుబలి ప్రభాకర్, మురళీధర్ గౌడ్ కీలక పాత్రల్లో కనిపించనున్నారు. ఇప్పటికే ఈ సినిమా ఫస్ట్ లుక్, సాంగ్స్ విడుదల చేసిన చిత్రబృందం తాజాగా రిలీజ్ డేట్ అప్డేట్ ఇచ్చారు. క్రిస్మస్ సందర్భంగా డిసెంబర్ 25న ప్రపంచవ్యాప్తంగా విడుదల చేస్తున్నట్టు ప్రకటించారు. రిలీజ్ డేట్ పోస్టర్‌లో వెన్నెల కిషోర్ షార్ఫ్ డిటెక్టివ్‌గా కనిపించారు. ఈ చిత్రానికి సమర్పణ: లాస్యరెడ్డి; సంగీతం: సునీల్ కశ్యప్; డీవోపీ: మల్లికార్జున్ ఎన్; స్టంట్స్: డ్రాగన్ ప్రకాశ్.