రాజ్‌తరుణ్ హీరోగా నటిస్తున్న సినిమా ‘భలే ఉన్నాడే’. రవికిరణ్ ఆర్ట్స్ బ్యానర్‌పై ఎన్‌వీ కిరణ్ కుమార్ నిర్మిస్తున్న ఈ చిత్రానికి జె.శివసాయివర్ధన్ డైరెక్టర్. ప్రముఖ మూవీ మేకర్ మారుతి ఈ చిత్రాన్ని ప్రజెంట్ చేస్తున్నారు. మనీషా కంద్కూర్ హీరోయిన్‌గా నటిసున్న ఈ చిత్రంలో సీనియర్ హీరోయిన్ అభిరామి కీలక పాత్రలో కనిపిస్తున్నారు. సెప్టెంబర్ 13న విడుదల కానున్న నేపథ్యంలో మూవీ టీమ్ బుధవారం హైదరాబాద్‌లో ప్రీ రిలీజ్ ఈవెంట్‌ను నిర్వహించింది.

ఈ కార్యక్రమంలో డైరెక్టర్ మారుతి మాట్లాడుతూ.. ‘ఎప్పుడో వచ్చిన ఒక ఆలోచనను సాయికి చెప్తే.. ఆ పాయింట్‌ను ఫ్యామిలీ అంతా చూసే ఈ సినిమాగా మలిచాడు. మంచి మెసేజ్ కూడా ఉంటుంది’ అని తెలిపారు. హీరో రాజ్‌తరుణ్ మాట్లాడుతూ.. ‘సాయి పని రాక్షసుడు. చాలా గ్రేట్ కన్వెన్షన్ ఉన్న డైరెక్టర్ తను. ఆయనలో ఉన్న సంస్కారం సినిమాలో కనిపిస్తుంది’ అన్నారు.

నటీనటులు హీరోయిన్ మనీషా కంద్కూర్, అభిరామి, వీటీవీ గణేశ్, రాజా రవీంద్ర, సప్తగిరి, ప్రొడ్యూసర్ కిరణ్‌కుమార్, డైరెక్టర్లు శివసాయి వర్ధన్, సుబ్బు, మ్యూజిక్ డైరెక్టర్ శేఖర్ చంద్ర, ఆర్ట్ డైరెక్టర్ సురేశ్ తదితరులు ఈ కార్యక్రమంలో పాల్గొన్నారు.