తుంగతుర్తి, విజయక్రాంతి: తుంగతుర్తి మార్కెట్ కమిటీ చైర్మన్ గా నూతనకల్ మండల కేంద్రానికి చెందిన తీగల గిరిధర్ రెడ్డి, వైస్ చైర్మన్ గా తుంగతుర్తి మండల పరిధిలోని గొట్టిపర్తి గ్రామానికి చెందిన చింతకుంట్ల వెంకన్న ను ప్రభుత్వం నియమించింది. ఈ మేరకు ఆదివారం ప్రభుత్వ ఉత్తర్వులు వెలువడ్డాయి. మార్కెట్ కమిటీ చైర్మన్ గా గత ఆరు నెలల ముందే గిరిధర్ రెడ్డిని ఎంపిక చేసిన నేడు అధికారికంగా ఉత్తర్వులు వెలువడ్డాయి. మార్కెట్ కమిటీ సభ్యులుగా మరో 12 మందిని నియమించారు. సభ్యులుగా సగ్గం నరసయ్య, వాసం వెంకన్న,జటంగి లింగయ్య, కారింగుల యాకసాయిలు,ఎండి నసీమున్నీసా బేగం, బానోతు శ్రీను,బత్తుల నాగమల్లు,భూక్య మధు,పాక అమృత,కొమ్ము వెంకన్న,రామ సాయి మమతా దేవి,బండారు దయాకర్ ఎఫ్ ఎస్ సి ఎస్ చైర్మన్ ను  సభ్యులుగా నియమించడం తోపాటు మరో ముగ్గురు అధికారులను సభ్యులుగా నియమించారు .